2022-йилнинг 1-март куни Узун туман ҳокимлиги мажлислар залида тумандаги 49 та МФЙ раислари ва ҳоким ёрдамчилари ҳамда туман ҳокими ўринбосарлари иштирокида туман ҳокими 1-сектор раҳбари Б.Б.Турсунов ҳамда Узун туман Давлат солиқ инспекцияси бошлиғи 4-сектор раҳбари Р.М.Боймирзаевлар иштирокида туманда истиқомат қилувчи жисмоний шахсларнинг 2021-йилдан қолган боқиманда қарздорлиги ҳамда 2022-йил учун тўланиши лозим бўлган солиқ йиғимларини ДСИ ходимлари билан МФЙ ходимлари ҳамкорлигида ишларни ташкиллаштириш бўйича йиғилиш бўлиб ўтди.
Ушбу йиғилишда ДСИ ҳодимларига солиқ йиғимлари бўйича жонбозлик кўрсатган 3 та МФЙлар жумладан, Маландиён маҳалла раиси О.Азимов, Бешкаппа маҳалла раиси А.Шамсиев, Хатиб қаҳрамон маҳалла раиси Ў.Алиевларига компютер эсдалик совғалари берилди. Тумандаги қолган маҳаллаларга ҳар хил турдаги совғалар берилди.

Маълумки, давлат раҳбари ижтимоий, маънавий-маърифий соҳалардаги ишларни янги тизим асосида йўлга қўйиш бўйича 5 та муҳим ташаббусни илгари сурган эди. Ёшларни жисмоний чиниқтириш, уларнинг спорт соҳасида қобилиятини намоён қилишлари учун зарур шарт-шароитлар яратишга йўналтирилган иккинчи ташаббус асосида жорий йиллнинг 25-феврал куни Узун туманиМустақилликнинг 22 йиллиги маҳалласида маҳалла ёшлари ўртасида спортнинг “мини футбол” тури бўйича туман “ҲОКИМИ КУБОГИ” спорт мусобақаси ташкил этилди. Мусобақада 1200 нафар ёшлар иштирок этишди. “мини футбол” спорт тури бўйича 1-ўринни Мустақилликнинг 22 йиллиги маҳалласи, 2-ўринни “Чақар” маҳалласи ва 3-ўринни “Кичик Жон-чекка” маҳаллалари ўринларни эгаллашдилар. Тақдирлаш маросимида шахсан туман ҳокими Б.Турсунов томонидан биринчи ўринни эгаллаган Мустақилликнинг 22 йиллиги жамоасига 5 mln.soъм, иккинчи ўринни эгаллаган Чақар жамоасига 3 млн. сўм, учинчи ўринни эгаллаган Кичик Жончекка жамоасига 2 млн сўмлик сертификатлар тантанали равишда топширилди.
Ундан ташқари, маҳалладаги уюшмаган ёшлар ўртасида арқон тортиш, тош кўтариш, стол тенниси ва шаҳмат шашка мусобақалари ўтказилди.
Арқон тортиш мусобақасида1-ўринни Мустақилликнинг 22 йиллиги маҳалласи, 2-ўринни Бешкапа маҳалласи ва 3-ўринни Янгийўл маҳалла ёшлари эгаллашди ва уларга фахрий ёрлиқ ҳамда эсдалик совғалари берилди.
Тош кўтариш мусобақасида1-ўринни Янгийўл маҳалла ёшлари, 2-ўринни Оқостона маҳалласи ва 3-ўринни Кичик Жончекка маҳалла ёшлари эгаллашди ва уларга фахрий ёрлиқ ҳамда эсдалик совғалари берилди.
Маҳаллада ҳарбий оркестр ва бадиий ҳаваскорлик гуруҳларининг консерт дастурларини ўз ичига олган “Ҳарбий ватанпарварлик карвонлари” ҳамда ёшларни ҳарбий ватанпарварлик руҳида тарбиялаш мақсадида “Ёш гвардиячи” ҳарбий спорт мусобақалари ташкил этилди.
Тўртинчи ташаббус асосида ёшлар маънавиятини юксалтириш, улар ўртасида китобхонликни кенг тарғиб қилиш мақсадида маҳалладаги 19-сонли умумтаълим мактабида “Китоблар ярмаркаси” ўтказилди.