Республика Оила ва хотин-қизлар давлат қўмитаси раисининг ўринбосари Озода Парпибоева, вилоят ҳокимининг ўринбосари – вилоят Оила ва хотин-қизлар бошқармаси бошлиғи Зулхумор Хидирова, туман ҳокимининг биринчи ўринбосари Б.Хасанов, туман ҳокимининг ўринбосари – туман Оила ва хотин-қизлар бўлими бошлиғи Саломат Гулбоевалар хотин-қизлар фаолларининг ўқув семинар машғулотидан чиқишиб, Янги рўзғор маҳалласи Турсунали Хасанов кўчасида истиқомат қилувчи Лолахон Эрматова хонадонига ташриф буюришди.  Хонадонга кирганингиздан гулларнинг муаттар ифори димоққа урилади. Гўзалликдан ҳайратга тушасиз. Деярли, 2 сотихлик иссиқхонада ноёб гул турлари, митти тувакчаларда экилган гуллар инсон бахри дилини қувонтиради.Атрофга назар ташлаб, бир дона гулнинг илдиз отиб, авж олиши учун қанча машаққатли меҳнат талаб этишини ҳис қиласиз.   Гул бор жойда озодалик, илиқлик, меҳр-оқибат, қувончу шодлик, барака ҳукм суради. Уни етиштириш ҳадисини олган Лолахон опа одамлар қалбига қувонч улашиш билан бирга, рўзғорини ҳам обод этмоқда.

          Республика Оила ва хотин-қизлар давлат қўмитаси раисининг ўринбосари Озода Парпибоеванинг –“Сиз ўзингиз нуроний онахон экансиз, нозик ниҳоллар билан ишлаш сизни чарчатмайдими? деб берган саволига жавобан: – Инсон қандай касб билан шуғулланмасин, унга меҳр бермаса, шу ишни севмаса, ҳеч қандай муваффақиятга эриша олмайди, – дейди тадбиркор опа. – Гуллар билан тиллашаман, ҳар куни эрталаб улар билан саломлашаман, бу соҳанинг сир-асрорларини яхши биламан. Гул ҳам меҳримни, ширин сўзимни ҳис қилиб, яшнаётгандек туюлади. Гулхонага кирсам, барча ташвишларим унут бўлиб, бир зумда қалбим равшан тортади, чарчоқларим ёзилади. Энг муҳими, келиним билан етиштираётган гулларимиз минглаб хонадонларга хурсандчилик олиб кирмоқда, байрамларда аёлларимизнинг гулдек нозик кўнглини тоғдай кўтармоқда. Озми-кўпми, гўзалликка ҳисса қўшаётганимдан бахтиёрман. Гулчилик – санъат, шу билан бирга, даромад манбаи ҳам деди Лолахон опа гул дўкони мисолида.   

               Ҳаётининг мазмунини гул етиштириш, гўзаллик яратиш, инсонларга эзгулик улашиш деб билган Лола Эрматова каби гўзалликка ошно инсонлар меҳнати, фидокорлиги билан юртимиз янада обод ва кўркам бўлиб бораверади.

 
  Давлатимиз раҳбарининг 2020 йил 26 июнь куни “Республикада қўлда тўқилган  гиламчилик соҳасини ривожлантириш чора-тадбирлари тўғрисида”ги қарорига асосан қўлда гилам тўқиш билан шуғулланувчилар 3 нафардан кам бўлмаган иш ўрни яратиб, гилам ва ипак мато тўқиш дастгоҳини харид қилишлари учун базавий ҳисоблаш миқдорининг 10 баравари миқдорида субсидиялар ажратилиши назарда тутилган эди. Ушбу субсидия асосида Узун тумани ”Қарашиқ” маҳалласига Гилам тўқиш услуналари олиб келинди ҳамда жойлаштирилди. Мақсад, авлоддан-авлодга ўтиб келаётган жундан қўлда гилам тўқиш соҳасини ривожлантириш ушбу ноёб санъат асарини бозор талабларига уйғунлаштириш, ёшлар, аёллар ва кам таъминланган оилаларни  мазкур соҳага кенг жалб этиб, уларнинг бандлигини таъминлаш, камбағалликни қисқартиришдир. Ҳозирги кунда хотин-қизлар гиламчилик соҳаси бўйича ўқитилмоқда.     

     Умуман, Президентимизнинг ушбу қарори республикамизнинг барча маҳаллаларида қўлда тўқилган гиламчилик соҳасини ривожлантиришда аҳамияти беқиёс.

ЎЗБЕКИСТОН РЕСПУБЛИКАСИ СУРХОНДАРЁ ВИЛОЯТИ узун туман ҳокимининг қ а р о р и

РЕСПУБЛИКА УЗБЕКИСТАН СУРХАНДАРЬИНСКАЯ ОБЛАСТЬ РЕШЕНИЕ ХОКИМА УЗУНСКОГО РАЙОНА

     2022  йил 31-март                                134-8-118-Қ/22                               Узун тумани ҳокимлиги

Туман ҳокимининг 2021 йил 30-сентябрдаги “2022 йилда Узун туманида ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш тўғрисида”ги 143-8-118-Қ/21-сонли қарорига қўшимча ва ўзгартиришлар киритш тўғрисида

 Ўзбекистон Республикаси Президентининг 2021 йил 21-декабрдаги “Ногиронлиги бўлган шахсларни ҳар томонлама қўллаб-қувватлаш, уларнинг бандлигига кўмаклашиш ҳамда ижтимоий фаоллигини янада оширишга оид қўшимча чора-тадбирлар тўғрисида”ги ПҚ-57-сонли қарорида белгиланган топшириқлар ижросини таъминлаш мақсадида 2022 йилда ижтимоий муҳофазага муҳтож ва иш топишда қийналаётган шахсларни ишга жойлаштириш учун иш ўринларини банд қилиш (заҳиралаш) тўғрисида қабул қилинган қарорига қўшимча равишда ногиронлиги бўлган шахслар учун иш ўринларини банд қилиш мақсадида

                                                                  ҚАРОР ҚИЛАМАН:

1. 1. Тумандаги мулкчилик шаклидан қатъий назар, ходимларнинг рўйхатдаги ўртача сони (иловага асосан) 20 нафар кишидан ортиқни ташкил этадиган ташкилотлар сонидан келиб чиқиб, Узун туманида ногиронлиги бўлган шахслар учун қўшимча 3 та иш ўринлари банд қилинганлиги корхона ва ташкилотлар кесимида белгиланганлиги иловага мувофиқ тасдиқлансин.
   2. Ижтимоий мухофазага муҳтож шахсларнинг кўрсатиб ўтилган тоифаси учун иш ўринлари санитария-гигиена меъёрларига ва ходим ўз меҳнат мажбуриятларини тўсиқсиз бажаришини таъминлайдиган меҳнат қилиш шароитларига мувофиқ ташкил этилсин.
   3. 2022 йилда Узун туманида ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш бўйича корхона ва ташкилотлар кесимида иш ўринларини ташкил этиш рўйхати иловага мувофиқ тасдиқлансин.
   4. Иловада коърсатилган корхона ва ташкилотлар раҳбарлари белгиланган иш ўринлари ташкил этилишини тўлиқ таъминласин.
   5. Қуйидагилар:

    ижтимоий муҳофазага муҳтож ва иш топишда қийналаётган шахслар учун иш ўринларининг энг кам сонини белгилаш бўйича ушбу қарорни бажармаган, шунингдек, уларни ишга қабул қилишни асоссиз равишда рад этган корхона ва ташкилотларнинг мансабдор шахсларига қонун ҳужжатларида белгиланган тартибда маъмурий жавобгарлик белгиланиши;

    ижтимоий эҳтиёжманд аҳоли қатламларига мансуб шахсларни квоталанган иш оъринларини банд қилиб қўйиш сонидан ортиқча иш ўринлари ташкил этган корхона ва ташкилотларга – ҳар бир ходим учун 12 ой давомида ҳар ойда базавий ҳисоблаш миқдори 2 баравари миқдорида субсидиялар ажратилиши белгилаб қўйилсин.

   6. Туман аҳоли бандлигига кўмаклашиш маркази (А.Дўсматов) беш кун муддатда ушбу қарор иловасида кўрсатилган ташкилотлар раҳбарларининг эътиборига етказсин ва ушбу қарор бажарилиши устидан назоратни таъминласин.
   7. Ушбу қарор расман эълон қилинган кундан бошлаб уч ойдан сўнг кучга кириши белгилансин.
   8. Мазкур қарор “Боботоғ тонги” газетасида эълон қилинсин ва ҳокимликнинг веб-сайтига жойлаштирилсин.
   9. Ушбу қарорнинг ижросини назорат қилишни ўз зиммамда қолдираман.

    

                                           Туман ҳокими:         Б.Турсунов

Узун тумани ҳокимининг

                                                                                                                                2022 йил ______ мартдаги

                                                                                                                                    ______-сонли қарорига

                                                                                                                                                                    илова

Вилоят прокуратураси бўлим бошлиғи Ш.Мавлонов, Узун туман ҳокимининг биринчи ўринбосари Б.Хасанов, туман прокурори вазифасини вақтинча бажарувчи З.Абдуллаев, масъул ташкилот раҳбарлари ва туман ҳудудида фаолият юритувчи тадбиркорлар иштирок этди.

Узун туман прокуратураси томонидан тадбиркорликни қўллаб-қувватлаш, уларнинг манфаатларини ишончли ҳимоялаш орқали тўғридан-тўғри хорижий инвестицияларни жалб этиш, бизнес юритиш учун қулай муҳит яратиш юзасидан амалий ҳаракатлар олиб борилмоқда. Прокурор ва тадбиркорлар учрашуви ҳам шулар жумласидан бўлиб, унда кичик бизнес субъектлари олдида турган масалалар, ечимини кутаётган муоммолар ҳал қилинмоқда.

Жорий йилнинг 20 апрель куни Узун туманидаги Маданият марказида вилоят прокурорининг ўринбосари адлия катта маслаҳатчиси Х.М.Куллиевнинг тадбиркорлар билан учрашуви бўлиб ўтди.

Унда тадбиркорлик субъектлари, дахлдор идора ташкилотлар вакиллари иштирок этди. Йиғилишни  Х.М.Куллиев кириш сўзи билан очиб, қуйидагиларни таъкидлади. Жумладан, ҳудудда фаолият юритувчи ҳар бир тадбиркорни қўллаб-қувватлаш уларга амалий кўмак бериш, муаммоларини тезкорлик йўллари билан бартараф этиш давлат ташкилотлари ва ҳокимият органларининг асосий вазифаси эканлиги таъкидлади. Ҳозирги кунда тадбиркорларнинг муаммоларини бартараф этиш бўйича масъул ташкилотлар амалий кўмакчи бўлишлари лозимлиги ҳақида тўхталиб ўтилди.

Қайд этиб ўтилганидек, мамлакатимиз раҳбари ғояси асосида халқ билан фаол, очиқ ва ошкора мулоқот олиб бориш, шу каби учрашув ва сайёр қабуллар жисмоний ва юридик шахслар мурожаатлари билан ишлашнинг замонавий, самарали ва таъсирчан маханизмига айланиб бормоқда. Энг аҳамиятлиси, бу янги тизим ҳудди шундай кўринишда ҳеч бир мамлакатда учрамайди.

Бироқ имкониятлар қаторида тадбиркорлик фаолиятида учраётган айрим муаммоларга  ҳам кўз юмиб бўлмайди. Учрашув чоғида туманда фаолият кўрсатаётган ишбилармонлар ўзларини қийнаётган муаммолар ва талаб ва таклифлар билан вилоят прокурорининг ўринбосарига юзландилар.

Мурожаатларнинг аксариятида кредит расмийлаштиришдаги ортиқча сансолорликлар, коммунал соҳани яхшилаш, ер-мулкдан фойдаланишнинг ҳуқуқий асослари, иссиқхоналар барпо этиш ва бошқа масалалар акс этди.

"Жасур Жахон Файз таъминот" унитар корхонаси раҳбари Д.Тухтасинова тикувчилик хизматини йўлга қўйиш учун “Агробанк” Узун туман филиалидан 600,0 млн. сўм кредит ажратилишида амалий ёрдам сўради.

Тадбиркорнинг мурожаатини ижобий ҳал этиш ва кредит ажратиш чораларини кўриш юзасидан банк раҳбарларига топшириқлар берилди.

Шундан сўнг, “Бехруз мебел” МЧЖ раҳбари Д.Ғаффоров мебел ишлаб чиқариш цехига табий газ улашда амалий ёрдам сўради.

Тадбиркорнинг мурожаатини ижобий ҳал этиш ва газ тармоғига улаш чораларини кўриш юзасидан “Ҳудудгазтаъминот” Узун туман филиали раҳбарларига топшириқлар берилди.

Бундан ташқари, туман ҳудудида фаолият олиб борувчи тадбиркорлар ЯЯТ И.Матмусаев автосервис корхонасига 120 метр 0,4 кВ тармоқ тортишга ёрдам сўраб, “Унверсал Транс Узун” МЧЖ рахбари А.Махмадалиев савдо мажмуасини тармоққа улашга ёрдам сўраб, Денов Текстил МЧЖ Ш.Саидов кластерининг Узун туманидаги ер майдонларини томчилатиб суғориш учун трансформатор ўрнатиб, электр тармоғи тортиш ҳақида мурожаатлар қилишган.

Мурожаатлар юзасидан Узун туман электр тармоқлари корхонаси раҳбарига топшириқлар берилди.

Шунингдек, 11 нафар тадбиркорлар ўз лойиҳаларини амалга оширишлари учун тижорат банклари томонидан кредит ажратилмаётганлигидан норози бўлиб мурожаат қилишди.

Шундан сўнг, кун тартибидаги масала юзасидан туман ҳокими биринчи ўринбосари Б.Хасанов, туман прокурори вазифасини вақтинча бажарувчи З.Абдуллаевлар ўзларининг фикрларини билдиришди.

Дахлдор идоралар иштирокида кўплаб тадбиркорларнинг муаммоларига шу ернинг ўзида ечим топилди, тегишли маслаҳат ва тавсиялар берилди.

Вилоят прокурорининг ўринбосари Х.М.Куллиевнинг тадбиркорлар билан учрашуви ҳар жиҳатдан юқори ишчанлик руҳида самарали ўтди. Прокуратура, адлия органлари, солиқ инспекция бўлими, молия муассасалари ҳамда дахлдор идора ташкилотлари масъул ходимлари иштирок этган учрашувда ҳамкорликда бизнес соҳаси вакиллари тадбиркорлар олдида турган кўплаб долзарб муоммоларга ечим топилди.

 Вилоят прокурорининг ўринбосари Х.М.Куллиев йиғилиш давомида тадбиркорларнинг муаммоларини бартараф этилиши юзасидан зарур бўлган чора-тадбирлар белгилаб олиш тўғрисида алоҳида айтиб ўтди ва тадбиркорларнинг мурожаатлари қонунда белгиланган муддатларда кўриб чиқилиб, мурожаатларни кўриб чиқган ташкилотлардан ахборотлар олиш вазифаларини туман прокуратурасига топширди.

ЭНГ ДОЛЗАРБ ВАЗИФА АМАЛДА

Эҳтиёжманд қатламни оғир турмуш шароитига тушиб қолишдан асраш, камбағал ва ишсиз фуқаролар меҳнат қилишини қўллаб-қувватлаш дунёдаги энг долзарб вазифалардан бири сифатида кун тартибига чиқди.

Мамлакатимизда бу вазифани самарали бажариш, давлат ва жамият имкониятларидан тўғри фойдаланишга алоҳида эътибор қаратилиб, муҳим қарорлар қабул қилиниб, самарали ўз ижросини топмоқда.

Маълумингизки, Ўзбекистон Республикаси Президентининг 2019 йил 7 мартдаги “Хотин-қизларнинг меҳнат ҳуқуқлари кафолатларини янада кучайтириш ва тадбиркорлик фаолиятини қўллаб-қувватлашга оид чора-тадбирлар тўғрисида”ги ПҚ-4235 сонли қарори ижросини таъминлай бориб, Сурхондарё вилоятида вилоят Хотин-қизлар тадбиркорлик маркази ташкил этилди ва 2019 йил 29 август куни Адлия бошқармасида 276-рақам билан  рўйхатдан ўтиб ўз фаолиятини бошлади.

Марказ ўз фаолиятини бошлаган кундан буён ўтган давр мобайнида тадбиркорлик билан шуғулланиш истагини билдирган хотин-қизлар “Темир дафтар”, “Аёллар дафтари” асосида махсус ўқитиш дастури бўйича ўқитилиб келинмоқда.

Марказ томонидан (2019 йилда 960 нафар, 2020 йилда 3790 нафар, 2021 йилда 7986 нафар) ташкил топган кунидан буён ўтган давр мобайнида жами 12 минг 736 нафар мушкул иқтисодий аҳволга тушган, тадбиркорлик билан шуғулланиш истагини билдирган аёллар учун меҳнат бозорида талаб этилаётган касблар бўйича қатор йўналишларда қисқа муддатли ўқувлар ташкил этилди.

Биргина 2021 йилнинг ўзида вилоятнинг Термиз шаҳри ва 14 та туманларида маҳаллаларда ўтказилган хатлов натижасида аниқланган таҳлилдан келиб чиққан холда бандлиги бўлмаган, ўқиб касб ўрганиш истагини билдирган мушкул иқтисодий аҳволга тушган, тадбиркорлик билан шуғулланиш истагини билдирган “Аёллар дафтари”да рўйхатда турган 7986 нафар аёллар ўқитилди ва бу аёлларнинг 7083 нафарига имтиёзли кредитлар олиб ўз тадбиркорликларини бошлашларида яқиндан амалий ёрдам кўрсатилди.

            Қарорлар ижросини таъминлай бориб, 2021 йил декабр ойида Ўзбекистон нодавлат нотижорат ташкилотларини қўллаб-қувватлаш жамоат фондининг биринчи грант танлови эълон қилинган бўлиб, Сурхондарё вилоят Хотин-қизлар тадбиркорлик маркази танловнинг “Аҳолига ижтимоий хизмат кўрсатиш, уларни ижтимоий қўллаб-қувватлаш ва муҳофаза қилиш” йўналишида ўзининг “Денов, Сариосиё, Узун туманларида оғир турмуш шароитига тушиб қолган ва жисмоний имконияти чекланган шахсларнинг бандлигини таъминлашга ҳамда меҳнат кўникмалари шаклланишига кўмаклашиш” мавзусидаги лойиҳаси билан иштирок этиб ғолиб чиқди.

Лойиҳанинг мақсади:

Денов, Узун, Сариосиё туманлардан аниқланган оғир турмуш шароитига тушиб қолган ва жисмоний имконияти чекланган аёллар ва ёшларнинг бандлигини таъминлаш мақсадида тадбиркорлик кўникмалари шаклланишига кўмаклашиш.

Тадбиркорлик кўникмаларини, меҳнат кўникмаларини   шакллантириб, замонавий касб-хунарларга ўқитиш орқали уларни оғир турмуш шароитидан, камбағалликдан чиқишларига кўмаклашиш;

Тадбиркорлик билан шуғулланишларига ва даромад топишларига эришишда кўмаклашиш.

Бугун лойиҳа доирасида ўтказилган тадбирда:

Оила ва хотин-қизлар давлат қўмитаси вилоят бошқармаси ва Узун туман бўлими билан ҳамкорликда Сурхондарё вилояти Хотин-қизлар тадбиркорлик маркази томонидан лойиҳа доирасида семинар-ўқув ташкил этилди.  Тадбирда Узун туманида истиқомат қилувчи хотин-қизлар иштирок этди.

 Иштирокчилар келгусида тадбиркорликни бошлаш борасида кўникмаларга ўргатилди.

Тадбир давомида тегишли тайёрланган кўргазмали материаллардан, ахборот коммуникацион технологияларидан фойдаланилди, махсус тайёрланган буклетлар мавзуга қараб тадбир жараёнларида тарқатилди.

Қатнашчилардан ўқув семинар якунида тест олиниб тадбиркорлик кўникмалари баҳоланди.

Лойиҳа доирасида семинар  савол-жавобларга бой тарзда ўтди.  Лойиҳа иштирокчиларига тадбир якунида сертификатлар топширилди.

Биз ўз навбатида - “Аёллари қадр топган юртда яшаётганига шукроналар келтириб, дадил қадам ташлаётган бу аёлларимизнинг ишлари ҳамиша юксалаверсин” - деймиз.

"Бойсун баҳори" фестивали 7-8 май кунлари ўтказилади

Жорий йилнинг 7-8 май кунлари тоғли Бойсун туманидаги сўлим Паданг қишлоғида “Бойсун баҳори” очиқ фольклор фестивали бўлиб ўтади.

Ўзбекистон Республикаси Маданият вазирлиги, Сурхондарё вилояти ҳокимлиги ва бошқа бир қатор ташкилотлар ҳамкорлигида ташкил этилаётган фестивалга пухта ҳозирлик кўрилмоқда.

Ўзбекистон Республикаси Вазирлар Маҳкамасининг жорий йил 7 февралдаги “Бойсун баҳори” халқаро фольклор фестивалини ташкил этиш ва ўтказиш чора-тадбирлари тўғрисида” ги қарорига мувофиқ анъанавий фестивалда мамлакатимизда фаолият юритаётган фольклор жамоаларининг 200 дан ортиқ вакили ўз ҳудудларига хос либос ва қадимий куй- (https://xabar.uz/static/crop/3/9/920__95_3901490053.jpg)қўшиқлар билан фаол иштирок этади.

– Фестивалда мамлакатимиз ва хорижий давлатларда ўзларининг ноёб, бетакрор санъатлари билан мухлисларини хушнуд этиб келаётган фольклор-этнографик жамоалар иштирокига алоҳида эътибор қаратилган, – дейди вилоят Маданият бошқармаси бошлиғи Д.Бобоёров.

Минг йиллардан буён мамлакатимизда асраб-авайлаб келинаётган бундай нодир ва ноёб бойликларнинг “Бойсун баҳори” очиқ фольклор фестивалида кенг тараннум этилаётганида чуқур маъно бор. Зеро, дунё аҳлини ўз бағрига чорлаётган мафтункор Бойсун – ЮНЕСКО томонидан “Инсониятнинг оғзаки ва номоддий маданий мероси” дурдонаси сифатида эътироф этилиб, 2008 йилда ЮНЕСКОнинг “Инсониятнинг номоддий маданий мерос” репрезентатив рўйхатига киритилган.

Миллий қадрият ва анъаналаримиз шарафланадиган шодиёна доирасида миллий кураш мусобақаси, этноспорт, веломарофон, улоқ-кўпкари, варрак учириш, арқон тортиш, чиллак ва бошқа халқ ўйинларига ҳам кенг ўрин ажратилган.

Фестиваль якунида энг яхши фольклор-этнографик ва энг яхши ўтов-уй ўрнатган жамоалар, спорт ва халқ ўйинлари ғолиблари муносиб тақдирланади.