Сурхондарё вилояти Узун туманида “Оналар яшил макон учун!” акциясига старт бериш маросими

 30-март куни Сурхондарё вилоятининг Узун туманида “Яшил макон” умуммиллий лойиҳаси доирасида Ўзбекистон Республикаси Оила ва хотин-қизлар давлат қўмитаси ташаббуси билан Ўрмон хўжалиги давлат қўмитаси ва Сурхондарё вилояти ҳокимлиги ҳамкорлигида амалга оширилаётган “Оналар  яшил макон учун!” акциясига старт бериш маросими бўлиб ўтди.

Тадбирда Ўзбекистон Республикаси Бош вазири ўринбосари, Оила ва хотин-қизлар давлат қўмитаси раиси З.Б.Маҳкамова ташаббуслари билан амалга оширилди.

Давлатимиз раҳбари томонидан ўтказилган видеоселектор йиғилишида  “Яшил макон”  умуммиллий лойиҳасини амалга ошириш, мазкур акция доирасида йилига 200 млн. туп дарахт ва бута кўчатларини экиш белгилаб берилган эди. Ушбу хайрли ҳамда самарали ишларнинг негизида яна бир савобли иш бошланди.

Бугун Узун туманида старт берилган “Оналар яшил макон учун!” акцияси юртимиз бўйлаб барча ҳудудларда амалга оширилади.

“Оналар – яшил макон учун!” акциясини амалга оширишдан кўзланган асосий мақсад:

Ўзбекистон Республикаси Президентнинг 30 декабрь 2021 йилдаги “Республикада кўкаламзорлаштириш ишларини жадаллаштириш, дарахтлар муҳофазасини янада самарали ташкил этиш чора-тадбирлари тўғрисида”ги  ПФ-46-сон Фармони билан бутун мамлакат миқёсида "Яшил макон" умуммиллий лойиҳасида кўрсатилган мақсад ва вазифаларни амалга ошириш;

• Қишлоқ ва ўрмон хўжалиги тизимида гендер тенгликни таъминлаш, хотин-қизларни ўрмончилик маҳорати, уруғ, манзарали ва мевали дарахт ҳамда бута кўчатларини етиштириш, экиш ва парвариш қилишга ўргатиш
• Мамлакатимиз туман ва шаҳарларда биттадан ўрмончилар кўчасини ташкил қилиш жараёнида манзарали ва мевали дарахтлар кўчатларини етиштириш билан шуғулланиш ниятида бўлган хотин-қизлар ва уларнинг оила аъзоларига назарий ва амалий кўникмаларни бериш,
• Мамлакатимиз туманларидаги ҳудудий Ўрмончилик хўжалиги бошқармасига яқин жойлашган маҳаллалардаги кам таъминланган оилаларнинг ўз хўжалигидаги ерларига ва кўчадаги майдонида манзарали ва мевали дарахт,бута кўчатлари ва қаламчаларни етиштириш, экиш ҳамда уруғ етиштириш шунингдек, хотин-қизларни ва уларнинг оила аъзоларини ўзини ўзи иш билан таъминлаши
• Интенсив ниҳолхоналар ташкил қилиб тадбиркорлик фаолиятини бошлаш ниятида бўлган хотин-қизларни имтиёзли кредитлар олишида амалий ёрдамлар кўрсатилиб уларни ҳар томонлама қўллаб-қувватлаш ва жамиятдаги ролини янада юқорига кўтариш, “Тадбиркорлик сабоқлари” ўқув-курсларида таълим олишлари бўйича етарли шарт-шароитлар яратиш.
• Маҳсус ўқув курсларида таълим олган хотин-қизларни ўзларининг етиштирган маҳсулотлари билан ички ва ташқи бозорда ўз ўринларини эгаллашлари ҳамда юқори даражадаги кўргазма ва ярмаркаларда муносиб иштирок этишлари учун мақсадли ва манзилли чора – тадбирларни амалга оширишдан иборатдир:

Шундай экан, Оила ва хотин-қизлар қўмитаси ҳамда ҳамкор ташкилотлар олдида турган асосий вазифа ҳудудларда ушбу акцияда қатнашиш истагида бўлган уруғчилик ва кўчат етиштириш билан шуғулланиш ниятида бўлган фуқароларнинг, шу жумладан, имконияти чекланганлар ҳамда бандлиги таъминланмаган хотин-қизларнинг ва уларнинг оила аъзоларини рўйхатини шакллантириш ва уларни мақсадли ва манзилли кишлоқ хўжалиги ишларига жалб этиш орқали хотин-қизларни ва уларнинг оила аъзоларини ўзини ўзи иш билан таъминланиши бўйича ишларни ташкил қилишдан иборатдир.

Ушбу “Оналар яшил макон учун!” акцияси Оила ва хотин-қизлар давлат қўмитаси ва Ўрмон хўжалиги давлат қўмитаси томонидан мамлакатимизнинг барча ҳудудларида амалга оширилади. Сурхондарё вилоятида ушбу акция Вилоят ҳокимлиги, Сурхондарё вилояти Ўрмон хўжалиги бошқармаси, Узун туман хокимлиги, Боботоғ, Узун ва Ҳисор ўрмон хўжаликлари ҳамкорлигида амалга оширилаяпти.

Узун туманида " Оналар боғи"ни барпо этишишлари бошлаб юборилди. Акция доирасида Узун тумани хотин-қизлари " Оналар боғи"га Боботоғ ўрмон хўжалиги томонидан етказиб берилган мевали ва манзарали дарахтларни экишди. Шунингдек, кўчатларни парвариш килиб, тадбиркорлик фаолияти билан шуғулланиб, даромад топишлари учун кам таъминланган аёлларнинг хонадонига мевали дарахтлар, павлония, лаванда, шафарон экишишлари амалга оширилди.

Тадбирда Оила ва хотин кизлар давлат қўмитаси маъсул ходимлари, Сурхондарё вилояти ва Узун тумани хокимлиги вакиллари ва туман хотин-қизлари иштирок этдилар. Тадбирда тумандаги “Янги рўзғор” маҳалласида яшовчи маҳалла фаоли Ғаффорова Санобар Усмоналиевна, туман бош отинойиси Тўхтасинова Адолатхон, уй жой ширкатлари раиси Солиева Меҳринисолар сўзга чиқиб аёллар учун яратилаётган шарт-шароитлардан мамнун эканликларини ва “Оналар яшил макон учун!” акциясида фаол иштирок этишларини билдиришди. 

Акцияда иштирок этган хотин-қизлар билан Ўзбекистон Республикаси Бош вазири ўринбосари, Оила ва хотин-қизлар давлат қўмитаси раиси З.Б.Махкамова яқиндан сухбатлашди.

Шу куннинг ўзида Узун туманидаги “Янгир ўзғор” маҳалласида Ўзбекистон Республикаси Бош вазири ўринбосари, Оила ва хотин-қизлар давлат қўмитаси раиси З.Б.Махкамова “Янги рўзғор” маҳалласида истиқомат қилаётган кам таъминланган ижтимоий ҳимояга муҳтож Аҳмедова Оқилахон Исоралиевнанинг хонадонига ташриф буюриб, хонадондаги мавжуд томорқа ер майдонига кўп йиллик гул кўчатлари экилди.

Шунингдек “Янги рўзғор” маҳалласида яшовчи фуқаролар Тўхтаева Сунбула Абдураҳмоновна ҳамда Исмоилова Мунисахон Даминжоновналарнинг хонадонларидаги бўш турган томорқа ер майдонларига мевали ва манзарали дарахт кўчатлари шу билан биргаликда кўп йиллик хонадон гулларини экишдилар. Ўзбекистон Республикаси Бош вазири ўринбосари, Оила ва хотин-қизлар давлат қўмитаси раиси З.Б.Махкамова бош қош бўлди.

Сурхондарёда шаҳар ва туманлар ҳокимларининг ўринбосари - оила ва хотин-қизлар бўлими бошлиғи лавозимларига тайинловлар амалга оширилди

Бугун, 26 март куни вилоят ҳокимлигида видеоселектор тарзида йиғилиш бўлиб ўтди. Унда вилоят, шаҳар ва туманлар секторлари раҳбарлари, ҳокимлик аппарати масъул ходимлари, алоқадор бошқарма ва ташкилотлар раҳбарлари иштирок этди. Йиғилишни вилоят ҳокими Тўра Боболов бошқариб борди.

Дастлаб ташкилий масала кўрилди. Жумладан:
▫️ (https://t.me/axborot_xizmati/12242?single)Тагаева Моҳира Рахматуллаевна - Термиз шаҳар ҳокимининг ўринбосари - Оила ва хотин-қизлар бўлими бошлиғи лавозимига;
▫️Раджабова Шоира Нурматовна - Ангор тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Мамасолаева Интизор Туробовна - Бандихон тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Джўрақулова Саодат Эшқобиловна - Бойсун тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Лутфуллаева Нигора Хабибуллаевна - Денов тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Мустанова Матлюба Абдурашид қизи - Жарқўрғон тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Бердиева Сайяра Хусановна - Музработ тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Хидирова Малика Махамадовна - Олтинсой тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Тошматова Дилфуза Алибоевна - Сариосиё тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Расулова Маърифат Амонуллаевна - Термиз тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Гулбоева Саломат Сафаровна - Узун тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Боймуродова Адолат Тангрикуловна - Шеробод тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Мамадиева Нилуфар Абдурашидовна - Шўрчи тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Жумаева Нигора Абдиғоффоровна - Қумқўрғон тумани ҳокимининг ўринбосари - Оила ва хотин-қизлар бўлими бошлиғи лавозимига;
▫️Ҳайдарқулова Ойсоат Абдурахатовна - Қизириқ тумани ҳокимининг ўринбосари - Оила ва хотин-қизлар бўлими бошлиғи вазифасини бажарувчи этиб тайинланганлиги маълум қилинди.

Шундан сўнг, вилоятда қишлоқ хўжалиги, ҳудудий инвестиция дастури доирасида лойиҳаларни ишга тушириш ва янги иш ўринларининг яратилиши ҳамда бюджет ва экспорт прогнози режасининг бажарилиши бўйича сектор раҳбарлари томонидан олиб борилаётган ишлар аҳволи муҳокама қилинди.

2022 йил 13 март куни Узун тумани Ҳокимият биноси мажлислар залида

 Сурхондарё вилояти ҳокими Тўра Боболов Украина давлатидан қайтиб келган  (эвакуация қилинган)  узунликлар билан учрашди.

           28 февралдан 11 мартга қадар  авиарейслар орқали  769 нафар сурхондарёликлар ватанига қайтарилгани,  Улар орасида 68 нафар  Узун тумани фуқаролари  ҳам борлигини ва бу 68 нафар фуқародан 47 нафари эркак, 7 нафари аёллар, қолган 14 нафари вояга етмаганлар эканлигини алоҳида таъкидлаб ўтди.

        Қайтиб келган фуқаролардан, Украина давлатига 52 нафари ишлаш учун,  2 нафари ўқиш мақсадида боришган.

           Қайтиб келган вояга етмаганларни 5 нафарини боғча ёшидагилар, 9 нафарини мактаб ёшдагилар ташкил этган.

            Вилоят ҳокими Тўра Боболов Украина давлатидан қайтиб келган фуқаролар билан юзма-юз мулоқат қилди,  уларнинг дардларини тинглади. Улар инсон қадри улуғланаётган шундай жаннатмакон юртда яшаётганидан беҳад мамнунлигидан Президентимизга раҳматлар айтиб,  кўз ёшларини яшира олмадилар. Мурожаатидан келиб чиқиб, уларнинг бандлигини таъминлаш, фарзандларини умумтаълим мактаблари ҳамда мактабгача таълимга қамраб олиш ва бошқа муаммоларини ҳал этиш мақсадида мутасаддиларга тегишли топшириқлар берди. 

           Учрашувда қатнашган Сурхондарё вилояти Ички ишлар бошқармаси бошлиғи Абдувоҳид Исмоилов ҳам фуқароларнинг  мурожаати юзасидан 3-сектор рахбарига вазифалар юклади.

            Маълумот учун: қайтиб келган фуқароларни 49 нафари тиббий кўрикдан ўтказилган (тиббий кўрикдан ўтмаганлар 17 нафар).

            Қайтиб келган 36 нафар фуқаролар билан туман Бандликка кўмаклашиш маркази ходимлари иш билан таъминлаш мақсадида суҳбат олиб борилган.

             Ҳозирги кунда Украина давлатидан қайтиб келган фуқароларни 1 нафари Россия Федерациясига ишлаш мақсадида кетган, 4 нафари Республикамизни бошқа вилоят ва шаҳарларига ишлашга кетган, 3 нафари Сариосиё туманида яшайди.

            Украина давлатидан қайтиб келган фуқаролар Секторлар кесимида

                            1-сектор – 4 нафар

                            2-сектор – 49 нафар

                            3-сектор – 3 нафар

                            4-сектор – 12 нафар

             Бугунги кунда Узун туманида яшовчи фуқаролар орасида 3 нафар фуқаро Польша ва Украина давлатида қолмоқда. Шундан, 2 нафари Польша давлатидан олиб келиниши кутилмоқда.

1 нафари Украина давлатида озодликдан маҳрум этилганлиги сабабли  жазо муддатини ўтамоқда (безорилик билан).

Узун туман ҳокими Бахром Бобохонович Турсуновнинг Наврўз байрами табриги

Узун туманидаги Болалар ва ўсмирлар спорт мактаби ўйингоҳида
(Турон ўйингоҳи мажмуасида) 12 март куни Наврўз байрами шодиёнаси бўлиб ўтди.

Тантанали тадбирда Узун туман Ҳокими Баҳром Турсунов иштирок этди.
Туман ҳокими кўп миллатли халқимизни Наврўз байрами билан табриклаб, эзгу тилаклар билдирди.
“Қадим-қадимдан Наврўз холис ниятли кишиларнинг севимли айёми бўлиб келган. Ўша кунларда ҳатто уруш-жанжаллар ҳам тўхталган, гина-қудратлар кечириб юборилган. Шоҳлар эл ичидан энг муносиб кишиларни тақдирлашган, айрим маҳбусларнинг гуноҳидан ўтишган”, – деди Баҳром Турсунов
“Ушбу баҳор айёми давлатларимиз ва ҳар бир оилага тинчлик-хотиржамлик, битмас-туганмас куч-қувват ва фаровонлик олиб келсин. Халқларимизга эса қут-барака, тинчлик ва бирдамлик олиб келсин”, – деди ҳоким
Бу йилги Наврўз мамлакат мустақиллигининг 31 йиллигида ўтмоқда. Халқимиз бу айёмни баланд кайфият билан кутиб олмоқда.
Ўзаро меҳр-оқибат, саховат ва мурувват кўрсатиш, табаррук кексаларимизни йўқлаш, ногиронлар, ёрдамга муҳтож инсонлар ҳолидан хабар олиш, ҳашарлар ўтказиб, юртимизни янада обод қилиш каби савобли ишларимиз Наврўзнинг файзига янада файз қўшмоқда.
Мавжуд қийинчилик ва синовларга қарамасдан, ҳаёт давом этади. Бу йил Наврўз ўзгача давраларда кенг нишонланмоқда - дея таъкидлади Баҳром Турсунов.

Наврўз — муҳаббат, севги, садоқат , дўстлик ва биродарлик байрамидир.
Бу айёмда аёлларнинг ўрни беқиёсдир.Улар маросимларни бошқариб, ёшларга анъана ва удумлар бўйича билимларини ўргатиб, ушбу маданий маросимда асосий ролни ўйнайдилар.
Бу тантаналар ёшларимиз хотирасида муҳрланиб қолади ва улар ҳам кейинчалик бу анъаналарни давом эттириб, ўзларидан кейинги ёш авлодга ўтказадилар.

Туман раҳбари ушбу улуғ айём-шарқона янги йил билан, катта-ю кичик барча тумандошларимиз, ҳамда туманимиз меҳмонларини, чин қалбидан самимий муборакбод этди.
Юртимиз тинч, юртбошимиз бошимизга хамиша омон бўлсин!

Яратганнинг ўзи ҳаммамизни паноҳида асрасин!

Наврўзи олам барчамизга муборак бўлсин!
Байрам тадбири катта концерт дастури билан якунланди.

Узун тумани 2-сонли Касб-ҳунар мактаби биносида Математика-Физика-Тарих фанларидан 9-10-11-синф ўқувчилари ўртасида ўтказилган Узун туман “ҲОКИМ КУБОГИ” мусобақаси якунига етди.

Узунлик ўқувчиларнинг бўш вақтларини мазмунли ўтказиш ва илм олишга бўлган қизиқишларини янада кучайтириш мақсадида 6-март куни Узун туман ҳокимлиги, Термиз Давлат Университети ва “Глобал Гате” ўқув маркази ҳамкорлигида умумтаълим мактабларининг 9-10-11-синф ўқувчилари ўртасида Математика, Физика ва Тарих фанларидан “ҲОКИМ КУБОГИ” мусобақаси ўтказилди.

Мусобақада туман умумтаълим мактабларидан 600 нафар ўқувчи йигит-қизлар қатнашди. Улардан 27 нафар ўқувчи ғолибликни қўлга киритишди. Мактаблар кесимида Математика, Физика ва Тарих фанларидан қуйидаги ўринларни эгаллашди.

9-синф Физика фанидан

10-синф Физика фанидан

11-синф Физика фанидан

1-ўринни 56-мактаб

1-ўринни 4 ИФЧЎИУМ

1-ўринни 4-мактаб

2-ўринни 21-мактаб

2-ўринни 21-мактаб

2-ўринни 19-мактаб

3-ўринни 57-мактаб

3-ўринни 56-мактаб

3-ўринни 8-мактаб

9-синф Математика фанидан

10-синф Математика фанидан

11-синф Математика фанидан

1-ўринни 54-мактаб

1-ўринни 25-мактаб

1-ўринни 38-мактаб

2-ўринни 23-мактаб

2-ўринни 20-мактаб

2-ўринни 47-мактаб

3-ўринни 56-мактаб

3-ўринни 28-мактаб

3-ўринни 61-мактаб

9-синф Тарих фанидан

10-синф Тарих фанидан

11-синф Тарих фанидан

1-ўринни 58-мактаб

1-ўринни 17-мактаб

1-ўринни 44-мактаб

1-ўринни 59-мактаб

1-ўринни 6-мактаб

1-ўринни 25-мактаб

1-ўринни 64-мактаб

1-ўринни 3-мактаб

1-ўринни 64-мактаб

Тақдирлаш маросимида 4 та сектор раҳбарлари, туман ҳокими ўринбосарлари ва Термиз Давлат Университети вакиллари иштирок этишди. Ташкилотчилар томонидан 1-2-3-ўринларни қўлга киритган ўқувчи йигит-қизларимизга тантанали равишда “ҲОКИМ КУБОГИ” совринлари топширилди.